ABŞ-ın ərəb birliyi yaratmaq planları təhlükə altındadır.
Modern.az TASS agentliyinə istinadən xəbər verir ki, bu barədə Qətərin xarici işlər naziri Məhəmməd bin Əbdül Rahmən Əl Tani “Əl Cəzirə” kanalına danışıb.
“ABŞ-ın çağırdığı Yaxın Şərq Strateji Alyansına real təhlükə Fars körfəzindəki böhrandır. Təhlükəsizliyin əsas prinsipləri ilə bağlı ölkələr arasındakı fikir ayrılığı həll edilməyincə yeni alyans uğursuzluğa düçar olacaq" – Məhəmməd Əl Tani bildirib.
Qeyd edək ki, ilk dəfə Fars Körfəzi Ərəb Dövlətləri Əməkdaşlıq Şurasında ABŞ dövlət katibi Mayk Pompeo regionda təhlükəsizlik barədə əməkdaşlıq ideyasını irəli sürüb.
