Türkiyə Silahlı Qüvvələri İraqın şimalında aparılan hərbi əməliyyat zamanı ağır itki verib. Modern.az Türkiyə mediasına istinadən xəbər verir ki, hərbi əməliyyatlar zamanı Türkiyə ordusunun 1 əsgəri şəhid olub. Daha 4 hərbçi isə yaralanıb.
Baş Qərərgahdan edilən şərhdə də Şimali İraqdakı əməliyyatlarda əl istehsalı bir partlayıcı qurğunun partlaması nəticəsində bir əsgər öldüyü və 4 əsgərinsə yaralandığı deyilib: "Bizləri dərin kədərə boğan bu hücumda həyatını itirən əziz şəhidimizə Allahdan rəhmət, şəhidimizin kədərli ailəsinə, Türkiyə Silahlı Qüvvələri və Böyük Türk millətinə başsağlığı və səbr, yaralanan silah dostlarımıza şəfalar diləyirik".
Qeyd edək ki, hadisənin partlayıcı maddənin partladılması nəticəsində baş verdiyi bildirilib.
