Martın 2-dən 3-nə keçən gecə Ermənistan silahlı qüvvələrinin Qazax rayonunun Qızılhacılı kəndi yaxınlığında atəşkəsi pozması nəticəsində Azərbaycan Milli Ordusunun iki əsgəri şəhid olub.
Bunlar Balakən rayon Hərbi Komissarlığından hərbi xidmətə çağırılan 1993-ci il təvəllüdlü Vüqar Bəxtiyar oğlu Dibirov və Qusar rayon Hərbi Komissarlığından hərbi xidmətə çağırılan 1992-ci il təvəllüdlü Seyidəli Şıxislam oğlu Şidəliyevdir.