Ekologiya və Təbii Sərvətlər Nazirliyi Milli Hidrometeorologiya Departamentindən verilən məlumata görə, Bakıda və Abşeron yarımadasında sentyabrın 14-də hava dəyişkən buludlu olacaq, arabir tutulacaq. Gün ərzində hava əsasən yağmursuz olacaq. Şimal-qərb küləyi gündüz cənub-şərq küləyinə keçəcək.
Havanın temperaturunun gecə 18-21, gündüz 25-29 dərəcə isti olacağı gözlənilir.
Azərbaycanın rayonlarında hava əsasən, yağmursuz olacaq. Səhər ayrı-ayrı yerlərdə duman müşahidə ediləcək.
Şərq küləyi əsəcək. Havanın temperaturunun gecə 17-22, gündüz 24-29, dağlarda gecə 7-12, gündüz 18-23 dərəcə isti olacağı gözlənilir.
Modern.az
