"Forbes" jurnalının Ukrayna bölməsi ölkənin ən zəngin biznesmenlərinin adını açıqlayıb. Modern.az Ukrayna mətbuatına istinadən xəbər verir ki, ölkə daxilində davam edən hərbi əməliyyatlar və iqtisadi böhran ukraynalı milyarderlərin də ciddi maliyyə itkisinə uğramasına səbəb olub. Modern.az Ukraynanın ən zəngin insanlarını və onların kapitalını təqdim edir.
1. Rinat Əhmədov- 6,9 milyard dollar. Tatar əsili Əhmədov uzun illərdir ki, Ukraynanın ən zəngin biznesmeni sayılır. Donetsk vilayətindən olan Əhmədovun metalurgiya sahəsində kapital toplayıb. 2013-cü ildə "Forbes"un analoji siyahısında o, 15,4 milyard dolar sərvətlə birinci idi.
2. Viktor Pinçuk - 1,5 milyard dollar. Sənaye və media sahəsində bir neçə holdinqə malik olan Pinçuk isə ikinci pillədə qərarlaşsa da, ötən il daha böyük sərvət sahibi olub. 2013-cü ildə biznemsenin şəxsi kapitalı 3,8 milyard dollar həcmində dəyərləndirilirdi.
3. İqor Kolomoyski - 1,4 milyard dollar.Dneprpetrovsk vilayətinin keçmiş qubernatoru olan Kolomoyski son 1 il ərzində ciddi maliyyə itkisinə uğrayıb. 2013-cü ildə yerli jurnalistlər onun sərvətini 2,4 milyard dollar miqdarında hesablamışdılar.
4. Qennadi Boqolyubov - 1,3 milyard dolar. Kolomoyskinin biznes ortağı və qohumu olan Boqolyubov daha çox bank sektorunda fəaliyyət göstərir. 2013-cü ildə 1,7 milyard dolar sərvəti olan bankir bu müddətə 400 milyon pul itirib.
5. Yuri Kosyuk - 1,1 milyard dollar. 46 yaşlı Kosyuk böhran dövründə sərvətini artıran azsaylı ukraynalı biznemsnelərdəndir. Ona məxsus toyur fermalarının və çörək zavodlarının istehsal etdiyi məhsullara tələbatın artması ukraynalı biznemsenə kapitalını artırmağa imkan verib.
6. Vadim Novinski - 790 milyon dollar. Maşınqayıəram və metalurgiya sahəsində fəaliyyət göstərən biznesmen Krımın ilhaqından sonra yarımadadakı bütün obyektlərindən məhrum olduğu üçün 2014-cü il reytinqində milyarder statusunu itirib.
7. Aleksandr Yaroslavski - 774 milyon dollar. Daha çox daşınmaz əmlak sektorunda çalışan donetskli biznesmen sərvətini itirməkdə davam edir.
8. Pyotr Poroşenko - 750 milyon dollar. Ötən il 1,6 milyard dolar sərvətlə ən zəngin 7-ci ukraynalı sayılan Poroşenko prezident seçildikdən sonra ciddi maliyyə itkilərinə uğrayıb. Sərvətinin 60%-ni itirən prezident ötən illə müqayisədə 1 pillə də geriləyib.
9. Konstantin Jevaqo - 735 milyon dolar. "Ferrexpo" şirkətinin prezidenti 2014-cü ildə sərvətinin 70%-ni itirib. Bu həm Ukrayna metalurgiyasındakı böhranla, həm də Krımdakı obyektlərini itirilməsi ilə bağlıdır.
10. Sergey Tiqipko - 686 milyon dollar. Dneprpetrovsklu biznemsen həm də Ukrayna Radasının deputatıdır. O, maşınqayırma və investisiya sektorunda bir neçə önəmli obyektə malikdir.
Vüqar İsmayılov
