Azərbaycan Respublikasının şəhər və rayonları üzrə gəlirlər azaldılır.
Modern.az-ın məlumatına görə, bu barədə “Azərbaycan Respublikasının 2018-ci il dövlət büdcəsi haqqında” qanun layihəsində qeyd edilib.
Layihəyə görə, Azərbaycan Respublikasının şəhər və rayonları üzrə gəlirlər 7.907.000.000 manatdan 7.380.000.000 manata endirilir.
Bundan əlavə, Bakı şəhərinin gəlirləri 7 283 800 000 manatdan – 6.756.800 000 manata, gəlirlərin yerli xərclərdən artıq olan və mərkəzləşdirilmiş gəlirlərə aid edilən hissəsinin aşağı həddi 6 983 973 000 manatdan – 6.456.973.000 manata endirilir.
Dövlət büdcəsinə dəyişikliklər Milli Məclisin iyunun 28-29-da keçirilməsi nəzərdə tutulan növbədənkənar iclaslarında müzakirəyə çıxarılacaq.
