İndiyədək yalnız 50 nəfərdə müşahidə olunan, "Qurd" sindromu ilə bilinən hipokritez xəstəsi 17 yaşlı Lalit Patidarın sosial şəbəkə hesabındakı açıqlaması bütün dünyanın gündəminə çevrilib.
Modern.az xəbər verir ki, Lalit Patidar bədənini tamamilə örtən tüklərə görə, həmişə alçaldıldığını deyib:
"Hazırda orta məktəbin sonuncu sinfindəyəm. Ta uşaqlıqdan məktəb yoldaşlarım mənə "meymun" deyiblər. Bu tüklərə görə, aşağılayıcı ifadələr işlədiblər, döyüblər. Hətta valideynlərim də məni digər övladlarından seçiblər. Çünki çox yaşayacağıma inanmayıblar. Amma bu məni həyatdan soyutmayıb. Çünki heç kim taleyini özü yazmır".
