Suriyanın hökumət qoşunları Rusiya Hərbi Kosmik Qüvvələrinin hava dəstəyi ilə İŞİD-in paytaxtı olan Əl-Rakka şəhərinə hücuma hazırlaşır.
Modern.az Rusiya KİV-nə istinadən xəbər verir ki, bu barədə Rusiyanın BMT-dəki daimi nümayəndəsi Aleksey Borodavkin deyib.
Onun sözlərinə görə, fevralın 28-dən ölkədə qüvvəyə minən atəşkəs rejimi İŞİD və Əl-Nüsrə Cəbhəsinə şamil edilmədiyi üçün Əsəd qüvvələri hücum əməliyyatlarını davam etdirəcəklər.
“BMT Təhlükəsizlik Şurasının qətnaməsi İŞİD və Əl-Nüsrə Cəbhəsinə şamil edilmir. Hətta, həmin qruplaşmaların məhv olunması məqsədə uyğun sayılır. Suriya ordusu Rusiya aviasiyasının dəstəyi ilə Əl-Rakka və Deyr-Əz-Zor şəhərlərinə hücuma hazırlaşır”.
Suriya hökumət qoşunları 2014-cü ilin avqusutundan bəri ilk dəfə Əl Rakka vilayətinin ərazisinə daxil olublar.
Vüqar İsmayılov
