Azərbaycanı 2016-cı il Rio-de-Janeyro Yay Olimpiya Oyunlarında təmsil edən yunan-Roma güləşçisi Rəsul Çunayev yarımfinal görüşünə çıxıb.
Modern.az-ın məlumatına görə, 66 kq çəki dərəcəsində çıxış edən 25 yaşlı idmançının rəqibi ermənistanlı Miqran Arutyunyan olub.
Görüşün ilk hissəsində Arutyunyan tətbiq etdiyi 4 xallıq fəndlə hesabda irəli çıxıb. Fasilədən sonra Çunayev rəqibindən 1 xal alsa da, məğlubiyyətdən yaxa qurtara bilməyib.
Beləliklə, Azərbaycan təmsilçisi bürünc medal uğrunda təsəlliverici görüşə qatılacaq.
***
Azərbaycan güləşçisi Rəsul Çunayev Rio-2016-da artıq yarımfinala yüksəlib. İdmançımız rəqibi Əlcəzair idmançısı Əziz Tarik Benaysa üzərində 10:2 hesabı ilə vaxtından əvvəl qələbə qazanıb.
Bundan əvvəl, Çunayev rusiyalı idmançı İslambəy Əlibəyovu 3:2 hesabı ilə məğlub etmişdi.
Modern.az-ın xəbərinə görə,R.Çunayev 1/16 final mərhələsində kubalı Migel Martines Palasio ilə qarşılaşıb.
Gərgin mübarizədə təmsilçimiz sonunda 4:2 hesabı ilə qalib gəlib. Rəsul Rio-2016 olimpiya oyunlarında Azərbaycanın qızıl medala namizədlərindən hesab olunur.
***
Rəsul Çunayev növbəti qələbə qazanıb. Təmsilçimiz səkkizdəbir final mərhələsində rusiyalı rəqibi Pekin Olimpiadasının qalibi, dünya və Avropa çempionu İslam-Beka Albiyevi məğlub edib. 3:2 hesablı qəzləbə qazanan Rəsul Çunayev dörddə bir finala yüksəlib.
Ağa AKİFOĞLU
