Rusiya İstintaq Komitəsi beynəlxalq terror təşkilatı üçün maliyyə toplayan şəbəkə aşkar edib.
Komitənin rəsmi nümayəndəsi jurnalistlərə bildirib ki, Suriyada İŞİD terror təşkilatına üzv olan Rusiya vətəndaşları 2014-2017-ci illər ərzində bu təşkilat üçün maliyyə vəsaiti toplayıblar. Qrup Dağıstan sakinlərini bu işə cəlb etməklə ödəmə sistemləri və bank kartları vasitəsilə 200-dən çox insandan 8 milyon rubl məbləğində pul toplayıb Suriyaya aparıb.
AzərTAc bildirir ki, cinayətkar qrup üzvlərinin saxlanması üçün Rusiyanın 7 regionunda əməliyyat tədbirləri keçirilir.