"Bu, Quşçu vulkanının 16-cı püskürməsidir. Vulkanın püskürmə sahəsindən cənub və cənub qərbə uzanan 30 m-lik çatlar əmələ gəlib".
Modern.az xəbər verir ki, bunu vulkan püskürən əraziyə ezam olunan AMEA Geologiya və Geofizika İnstitutunun əməkdaşı Orxan Abbasov deyib.
Onun sözlərinə görə, vulkanın son onilliklər ərzində puskurməyən sahəsi aktivləşib. Palçıq axını 3 hektar ərazini örtüb. Püskürmənin hündürlüyü 50-60 m, palçıq axınının orta qalınlığı 90 sm olub.
Yerli mülkiyyətçilərin əkin sahəsinə ziyan dəyib. (APA)
