Modern.az xəbər verir ki, noyabrın 17-də Fəvvarələr meydanında müxalifətçi gənclərin aksiyası keçiriləcək. Bu barədə gənclərin sosial şəbəkədə aksiya ilə bağlı yaratdıqları səhifədə elan veriblər. Etiraz aksiyasında “Parlament buraxılsın!” tələbi əsas şüar olacaq. Yayılan müraciətdə yeni azad və ədalətli seçkilər keçirilməsinə çağırış edilir.
Aksiya saat 15-də başlanacaq. Artıq 300 nəfər aksiyaya qoşulacağı ilə bağlı razılığını bildirib. Noyabrın 17-si Azərbaycanda Dirçəliş günü kimi qeyd olunur.