Misir prezidenti Mursinin məsləhət komandasından üç nəfər istefa verib. Modern.az Əl-Ərəbiyyə telekanalına istinadən bildirir ki, istefa verməklərinin səbəbini isə prezidentin səlahiyyətlərini artıran qərarların verilməsindən sonra alovlanan böhran olaraq göstəriblər.
Seyd Əbdül Fəttah,Ayman Əs-Səyyad və Əmr Əl-Leysi öz istefalarını təqdim ediblər.
Beləliklə də, prezidentin heyətindən istefa verənlərin sayı 6-a çatıb. Bundan əvvəl istefa verənlər arasında bir xristian və qadın da var.
Reutersə danışan Əl-Leysi 22 noyabr fərmanından sonra istefasını təqdim etdiyini bildirib.
O deyib “Mən bu gün prezidenti verdiyi konstitusiya fərmanını ləğv etməyə və konstitusiya ilə bağlı referendumu təxirə salmağa , bütün siyasi qüvvələrlə birlikdə uzlaşma konstitusiyası yaratmaq üçün təcili milli dilaoq açmağa çağırıram.”
Modern.az
