Erməni mətbuatı Azərbaycanın işğal altındakı Kəlbəcər rayonunda itkin düşmüş 17 yaşlı yeniyetmə Smbat Tsakalyanın meyitinin tapıldığı barədə xəbər yayıblar.
Modern.az saytı erməni mediasına istinadən xəbər verir ki, Smbat Tsakalyanın meyiti Kəlbəcərdəki qəbiristanlıqlardan birində aşkar olunub.
O, 10 iyulda yoxa çıxmışdı. Erməni tərəfi bir neçə gün öncə 17 yaşlı Smbat Tsakalyanın itkin düşməsində Kəlbəcərdə girov götürülən azərbaycanlı mülki şəxslərlə əlaqələndirmişdilər.
Amma iyulun 15-də yaydıqları məlumatda hadisənin səbəbinin bilinmədiyini bəyan ediblər.
Modern.az