Dünya Bankı planetdəki yoxsulluq səviyyəsini gündəlik 1,25 dollardan 1,9 dollara qaldırıb. Modern.az xarici KİV-ə istinadla xəbər verir ki, bankın prezidenti Cin En Kim bu addımı dünyada alıcılıq qabiliyyətinin azalması ilə əlaqələndirib.
Aparılan araşdırmalar müəyyən edib ki, yoxsullar 2008-ci ildə gündəlik tələbatlarını ödəmək üçün 1,25 dollar xərcləyirdilərsə, bu gün 1,9 dollar vəsait tələb olunur.
Minimum yoxsulluq səviyyəsinin artırılmasına baxmayaraq, dünyada kasıblıq səviyyəsinə qədər olan insanların sayının 10 faizdən aşağı olduğu bildirilir. 2012-ci ildə 902 milyon insan, yaxud yer əhalisinin 12,8 faizi yoxsulluq səviyyəsində yaşayırdılarsa, bu gün göstərici 702 milyon, yaxud əhalinin 9,6 faizinə düşüb.
Dünya Bankının prezidenti 2030-cu ildə yoxsulluq üzərində qələbə qazanılacağına ümid etdiyini bildirib.
Vüqar İsmayılov
