Livanın paytaxtı Beyrutda güclü partlayış baş verən limanın administrasiyasının 16 əməkdaşı saxlanılıb.
Modern.az xarici mediaya istinadən xəbər verir ki, həbs olunanların sayının artacağı istisna edilmir.
Qeyd edək ki, avqustun 4-ü Beyrutun dəniz limanında güclü partlayış baş verib. Partlayış nəticəsində 100-dən çox şəxs həlak olub, 5 minə yaxın insan isə xəsarət alıb.
Partlayış limanın 2700 ton ammonyak selitrası (ammonium nitrat duzu) saxlanılan anbarında qaynaq işləri aparılarkən baş verib.
