Papua-Yeni Qvineyanın baş naziri Ceyms Marape ABŞ prezidenti Co Baydenin İkinci Dünya müharibəsi zamanı Papua-Yeni Qvineyada əmisinin adamyeyənlər tərəfindən yeyilmiş ola biləcəyini nəzərdə tutan sözlərinə əsəbiləşdiyini açıqlayıb.
Modern.az xarici mətbuata istinadən xəbər verir ki, baş nazir Baydenin sözlərinin dil sürüşməsi olduğuna ümid etdiyini bildirib.
“Prezident Baydenin sözləri dil sürüşməsi ola bilər, amma mənim ölkəm belə xatırlanmağa layiq deyil”, - o qeyd edib.
İkinci Dünya Müharibəsinin Papua-Yeni Qvineya xalqı ilə heç bir əlaqəsi olmadığını vurğulayan Marape əlavə edib: "İkinci Dünya müharibəsi mənim xalqımın işi deyildi, lakin mənim xalqım lazımsız yerə səbəb olmadığı bir münaqişəyə sürükləndi".
Papua-Yeni Qvineya xalqının gündəlik həyatlarında İkinci Dünya müharibəsindən qalma bombaların partlaması səbəbiylə ölüm qorxusu ilə yaşadıqlarını ifadə edən Marapenin sözlərinə görə, Papua-Yeni Qvineya və Solomon adalarında çoxlu döyüş meydanları var.
Marape həmçinin ABŞ-ı İkinci Dünya müharibəsində Papua-Yeni Qvineyada həyatını itirmiş əsgərləri tapmağa və müharibənin xarabalıqlarını təmizləməyə çağırıb.
***
18.04.2024 / 11:50
ABŞ prezidenti Co Bayden qəribə ailə xatirəsini danışıb.
Modern.az xarici mətbuata istinadən xəbər verir ki, o, illər əvvəl aviaqəzada həlak olmuş əmisini xatırlayıb.
Baydenin sözlərinə görə, Yeni Qvineyada təyyarə qəzasında ölən əmisinin cəsədinin adamyeyənlərə görə tapıla bilməyiblər.
"O, Yeni Qvineyada vuruldu və cəsədi tapılmadı, çünki Yeni Qvineyanın bu hissəsində həqiqətən çoxlu adamyeyən var idi", - ABŞ prezidenti söyləyib.
Qeyd edək ki, hanibalizm (adam əti yemək) dünyanın bir sıra regionlarında yerli tayfalar arasında hələ də qalmaqdadır.
