Հայաստանի վարչապետ Նիկոլ Փաշինյանը հեռախոսազրույց է ունեցել Ուզբեկստանի նախագահ Շավքաթ Միրզիյոևի հետ։
Modern.az-ը հայտնում է, որ հեռախոսազրույցի ընթացքում քննարկվել են հայ-ուզբեկական հարաբերությունների զարգացման և երկկողմ օրակարգի հարցեր։
Կողմերն ընդգծել են երկու երկրների միջև առևտրատնտեսական կապերի ընդլայնման ուղղությամբ հետևողական քայլեր ձեռնարկելու կարևորությունը։
Նշենք, որ Հայաստանը վերջին շրջանում ավելի մեծ ուշադրություն է դարձնում Կենտրոնական Ասիայի երկրների հետ հարաբերությունների զարգացմանը։ Փաշինյանը վերջերս Բիշքեկում հանդիպել է Ադրբեջանի նախագահ Իլհամ Ալիևի հետ, իսկ անցյալ ամիս հեռախոսազրույց է ունեցել Ղազախստանի ղեկավար Կասիմ-Ժոմարտ Տոկաևի հետ։ Նա նաև հանդիպել է Ղրղզստանի ղեկավար Սադիր Ժապարովի հետ։
