ՌԴ նախագահ Վլադիմիր Պուտինը աշխատանքային այցով ժամանել է Ղրղզստան։
Modern.az-ը հայտնում է, որ ՌԴ ղեկավարին «Մանաս» միջազգային օդանավակայանում դիմավորել է Ղրղզստանի վարչապետ Ադիլբեկ Կասիմալիևը։
Վլադիմիր Պուտինն այցի շրջանակում կմասնակցի VI Համաշխարհային քոչվոր խաղերի բացման արարողությանը։
Սեպտեմբերի 1-ին ՌԴ նախագահը կմասնակցի Շանհայի համագործակցության կազմակերպության (ՇՀԿ) պետությունների ղեկավարների խորհրդի նիստին, ինչպես նաև «ՇՀԿ պլյուս» ձևաչափով բարձր մակարդակի հանդիպմանը։
Գագաթնաժողովի շրջանակում Պուտինը նախատեսում է երկկողմ հանդիպումներ անցկացնել Ղրղզստանի, Չինաստանի, Իրանի, Մոնղոլիայի, Տաջիկստանի և Թուրքիայի ղեկավարների, ինչպես նաև Հայաստանի և Հնդկաստանի վարչապետների հետ։
Բացի այդ, գագաթնաժողովի ընթացքում սպասվում է հայտարարել հաջորդ Համաշխարհային քոչվոր խաղերի մասին, որոնք նախատեսվում է անցկացնել Կազանում 2028 թվականին։
Նշենք, որ 2027-2028 թվականներին Շանհայի համագործակցության կազմակերպության նախագահությունը կանցնի Ռուսաստանին։
