Վրաստանի Քվեմո-Քարթլիի (Բորչալի) մարզի Դմանիսիի շրջանում երկրաշարժ է տեղի ունեցել։
Modern.az-ը հայտնում է, որ ստորգետնյա ցնցումները գրանցվել են այսօր՝ սեպտեմբերի 3-ին, ժամը 03:28-ին։
3,2 մագնիտուդ ուժգնությամբ երկրաշարժի էպիկենտրոնը գտնվել է Դմանիսիից 19 կիլոմետր հյուսիս-արևմուտք։ Օջախը եղել է 10 կիլոմետր խորության վրա։
Երկրաշարժի էպիկենտրոնում ցնցումների ուժգնությունը կազմել է 4 բալ։
Ստորգետնյա ցնցումները զգացվել են նաև հարևան Հայաստանի Շիրակի և Լոռու մարզերում։ Այստեղ երկրաշարժի ուժգնությունը գնահատվել է 2-3 բալ։
