Ադրբեջանի արտաքին գործերի փոխնախարար Էլնուր Մամեդովն ընդունել է երկրում գտնվող ԱՄՆ-ի՝ Հայաստանում ժամանակավոր հավատարմատար Դեյվիդ Ալենին:
Modern.az-ը հայտնում է, որ այս մասին տեղեկություն է տարածել Ադրբեջանի արտաքին գործերի նախարարությունը:
Հանդիպմանը քննարկվել են Ադրբեջանի և Հայաստանի միջև հարաբերությունների կարգավորման, խաղաղ գործընթացի առաջխաղացման, երկարաժամկետ և կայուն խաղաղության ապահովման, ինչպես նաև տարածաշրջանում կայունության և անվտանգության ամրապնդման ուղղությամբ ձեռնարկվող քայլերը:
Միաժամանակ, մտքեր են փոխանակվել Վաշինգտոնի խաղաղության գագաթնաժողովի տարեդարձի կապակցությամբ Էլնուր Մամեդովի՝ ԱՄՆ կատարած այցի արդյունքների և ստորագրված եռակողմ հայտարարության, «Միջազգային խաղաղության և բարգավաճման համար Թրամփի երթուղու» (TRIPP) իրականացման ուղղությամբ տարվող աշխատանքների, ինչպես նաև երթուղու հետ կապված ենթակառուցվածքների կառուցումը ղեկավարող TRIPP զարգացման ընկերության ստեղծման հարցերի շուրջ:
Բացի այդ, անդրադարձ է կատարվել ադրբեջանա-ամերիկյան երկկողմ օրակարգին և ռազմավարական գործընկերության խարտիայում արտացոլված ուղղություններով հետագա համագործակցության հեռանկարներին:
Նշենք, որ հանդիպմանը մասնակցել է նաև ԱՄՆ-ի՝ Ադրբեջանում ժամանակավոր հավատարմատար Էմի Կարլոնը:
