Kərbaladan qayıdarkən İraq-İran sərhəddində saxlanılan azərbaycanlı zəvvarları daşıyan avtobusların problemi həll olunub. Modern.az saytı xəbər verir ki, bu barədə APA- ya zəvvarlardan Mirələm Həşimov məlumat verib.
O bildirib ki, məsələyə İranın Azərbaycandakı səfirliyi müdaxilə edib və sənədlər qaydasına salınıb. Hazırda bir neçə avtobus İranın Mehran sərhəd-keçid məntəqəsindən buraxılıb.
Digərləri də tez bir zamanda buraxılması gözlənilir.
Qeyd edək ki, həmin zəvvarlar 16 saat İran ərazisində qaldıqlarını bildirirdilər. Zəvvarların sözlərinə görə, 500-ə yaxın azərbaycanlı zəvvar sərhəd məntəqəsində gözləyirdi.
Modern.az
