Modern.az

Qərb Universiteti və AzPMA arasında saziş imzalandı - VİDEO

Qərb Universiteti və AzPMA arasında saziş imzalandı - VİDEO

21 Fevral 2017, 16:10

Qərb Universiteti və Layihələrin İdarə Edilməsi Azərbaycan Assosiasiyası (AzPMA) tələbələrin və gənc mütəxəssislərin layihələrin idarə edilməsi sahəsində kvalifikasiyasının artırılması üzrə IPMA beynəlxalq standartlarının təlimi ilə bağlı qarşılıqlı əməkdaşlıq sazişi imzalayıblar.

 

Məlumat üçün bildirək ki, Layihələrin İdarə Edilməsi Azərbaycan Assosiasiyası Azərbaycanda Layihələrin İdarə Edilməsi Beynəlxalq Assosiasiyasının (IPMA) milli nümayəndliyidir.

 

Modern.az xəbər verir ki, təlim layihələrin idarə edilməsi üzrə beynəlxalq standartların təbliği, layihələrin idarə edilməsi sahəsi üzrə optimal təcrübələrin bölüşülməsi, bu sahə üzrə bilik və kompetensiyaların artırılması məqsədi ilə keçirilib.

 

Təlim zamanı magistrlar layihənin düzgün tərtib olunması, məqsədi, ideyası, nəticələrinin ölçülməsi və s. haqda biliklər əldə ediblər.

 

Təlim IPMA standartları üzrə konsultant IPMA Level D, 10 ildən artıq təcrübəyə malik layihə idarəedicisi Elvin Axundov tərəfindən aparılıb.

 

Sonda təlim işləri üzrə menecer Fatimə Axundova beynəlxalq sertifikatlaşdırma imtahanı və onun mərhələli prosesi mövzusunda təqdimatla çıxış edərək, IPMA-nın 4 dərəcəli sertifikasiyası barədə məlumat verib.

 

Sonda bütün iştirakçılara sertifikatlar təqdim olunub.

 

Modern.az

Facebook
Dəqiq xəbəri bizdən alın!
Keçid et
Deputatın bu çıxışı ölkəni qarışdırdı: Başkəndi ermənilərə verək!