Bu gün axşam saatlarında Salyan şəhərində bıçaqlanma hadisəsi baş verib. Modern.az Virtualaz.org-a istinadən xəbər verir ki, “MTS” yaşayış massivinin Y.Qaqarin küçəsində yaşayan 27 yaşlı Ziyad Zeynalov atası Babaş Zeynalov tərəfindən bıçaqlanıb. Qarın nahiyəsindən kəsilmiş-deşilmiş yara alan Ziyad Zeynalov Salyan Mərkəzi Rayon Xəstəxanasına yerləşdirilərək əməliyyata götürülüb.
Hadisənin içki süfrəsi arxasında tərəflər arasında yaranmış mübahisə zəminində baş verdiyi deyilir. Hadisəni törətməkdə şübhəli bilinən 52 yaşlı Babaş Zeynalov saxlanılıb.
Faktla bağlı araşdırmalara başlanılıb.
