“Türkiyə Suriyanın Afrin bölgəsində həyata keçirdiyi “Zeytun budağı”əməliyyatını beynəlxalq hüquq çərçivəsində aparır və bu, özünümüdafiə xarakteri daşıyır. Əməliyyat bütün terror təşkilatlarına qarşı və onların təhdidlərini sonlandırmaq üçün aparılır”.
Bu sözləri Modern.az-a ekslüziv açıqlamasında Türkiyənin müdafiə nazirinin müavini Şuay Alpay deyib.
O bildirib ki, “Zeytun budağı” əməliyyatı Türkiyənin beynəlxalq sənədlərdən irəli gələn hüquqlarına uyğun olaraq başladılıb.
“Birləşmiş Millətlər Təşkilatının (BMT) terrorçuluq əleyhinə və BMT Konvensiyasının özünümüdafiə hüququnu nəzərdə tutan bir sıra qərarları var.
Türkiyə bu əməliyyatı başladarkən BMT Konvensiyasının özünümüdafiə hüququnu nəzərdə tutan 51-ci maddəsini, Təhlükəsizlik Şurasının terrorla əlaqədar qərarlarını və beynəlxalq hüquqdan qaynaqlanan haqlarımızı əsas tutub. “Zeytun budağı”əməliyyatı çərçivəsində mülki əhaliyə zərər verməmək istiqamətində səylərimizi uğurla davam etdiririk”.
