Litva prezidenti Dalya Qribauskayte Rusiya prezidenti Vladimir Putinin inauqurasiya mərasiminə dəvət olunmayıb.
Modern.az xəbər verir ki, bu barədə yerli “İzinios” portalı məlumat yayıb.
Portalın məlumatına görə həmçinin Litvanın Rusiyadakı səfiri Remiqius Motuzas da mərasimə dəvət almayıb.
Rusiya prezidentinin mətbuat katibi Dimitri Peskov da öz mərasim haqda danışan zaman qonaqlar barədə heç bir məlumat verməyib.
Qeyd edək ki, Rusiya prezidenti Vladimir Putinin inauqurasiya mərasimi may ayının 7-də baş tutacaq.
Əvəz ZEYNALOV
