Türkiyənin Antalya şəhərində Türkiyə Oftalmoloji Dərnəyinin (TOD) 53-cü milli konqresi keçirilib.
Modern.az xəbər verir ki, konqresdə Dobromed hospitalın oftalmoloq-cərrahı Anar Abdullayev video-təqdimatla çıxış edib. Dünyanın bir çox ölkələrinin oftalmoloqlarının iştirakı nəzərə alınaraq məruzə ingilis dilində təqdim edilib.
“Sliding Conjunctival Flap for the Treatment of Pterygium” mövzusunda video-təqdimatda Dr. Anar Abdullayev Doç.Dr. Faik Orucoğlu ilə birlikdə təklif etdikləri yeni cərrahi metod haqqında məlumat verib. Təqdim olunan yeni üsul oftalmoloq-cərrahların marağına səbəb olub.