Ekvadorlu yüngül atlet, 200 metr məsafəyə qaçışda 2019-cu il dünya çempionatının bürünc mükafatçısı Aleks Kinyones Quayakil şəhərində öldürülüb.
Modern.az-ın məlumatına görə, idmançı dostu ilə birgə naməlum şəxslər tərəfindən güllələnib.
Hazırda hadisə ilə bağlı araşdırma aparılır, şübhəlilərin axtarışları davam edir.
Oktyabrın 22-də 32 yaşı olmuş A.Kinyones dünya çempionatının medalı ilə yanaşı, 2019-cu il Pan-Amerika oyunlarının da qalibi olub.
