"Çox təəssüf ki ölkədə icbari tibbi sığortanın tətbiqi pandemiya ilə bir vaxta düşdü. Buna görə də bir sıra problemlər üzə çıxdı".
Modern.az xəbər verir ki, bunu parlamentin Səhiyyə komitəsinin sədri Əhliman Əmiraslanov bu gün Milli Məclisdə çıxışında deyib.
O qeyd edib ki, il başlayandan xidmətlər zərfinə daxil olan xidmətlərin sayı az idi:
"Daha sonra xidmətlərin sayı 2500 -ə qədər qaldırıldı. Ancaq yenə də zərfdə xidmətlərin sayının az olması insanlarda narazılıq edir. Bu rəqəmi biz iki dəfə artırsaq insanlar məmnun qalar".
