Ümumi cərrahiyyə və periferik damar cərrahiyyəsi üzrə uzman həkim Elba Alıyev fəaliyyətini Kliniki Tibbi Mərkəzdə davam etdirəcək.
Mərkəzdən Modern.az-a verilən məlumta görə, E.Alıyev 2015-2020-ci illərdə Ankara Universitetində ümumi cərrahiyyə və periferik damar cərrahiyyə üzrə uzmanlıq təhsili alıb. Təhsil aldığı müddətdə bir sıra konqres və kurslarda aktiv iştirak edib.
2020-ci ildən sonra isə bir sıra özəl və dövlət xəstəxanalarında həkim-cərrah vəzifəsində çalışıb.
Qeyd edək ki, Uzman Dr. Elba Alıyev 17 avqust 1987-ci ildə Göyçə mahalının Sarıyaqub kəndində anadan olub. Orta təhsilini Kimya-Biologiya Təmayüllü liseydə oxuyub. 2005-2011-ci illərdə Azərbaycan Tibb Universitetinin Müalicə-profilaktika fakültəsində, 2011-2015-ci illərdə Topçubaşov adına Elmi Cərrahiyyə Mərkəzində Ümumi Cərrahiyyə ixtisası üzrə rezidentura təhsili alıb.
