Yer üzündə su asteroid qurşağının xarici hissəsindən və Yupiterin orbitindən kiçik kosmik cisimlərin planetimizə düşməsi nəticəsindən meydana gəlib.
Modern.az xəbər verir ki, bu qənaətə Rusiya Elmlər Akademiyasının Geokimya və Analitik Kimya İnstitutunun alimləri gəliblər.
Kəşf çərşənbə axşamı Rusiya Federasiyası Təhsil və Elm Nazirliyinin mətbuat xidməti tərəfindən açıqlanıb.
Geokimya İnstitutunun Planet tədqiqatları şöbəsinin müdiri, akademik Mixail Marovun izah edib ki, Yer və ona bənzər planetlər yüksək temperaturda (təxminən 1000 dərəcə Kelvin) əmələ gəlib. Əgər tərkibində su olan cisimlər Yerə düşməsəydi, o zaman burada çox güman ki, okeanlar da olmayacaqdı.
