Milli Məclisin Ümummilli Lider Heydər Əliyevin 100 illik yubileyinə həsr olunan xüsusi iclasında ümumilikdə 228 xarici nümayəndə iştirak edir.
Modern.az xəbər verir ki, bu barədə Milli Məclisin sədri Sahibə Qafarova bildirib.
“Müxtəlif ölkələrin parlament nümayəndələri bu gün Ümummilli Lider Heydər Əliyevin 100 illik yubileyinə həsr olunan xüsusi iclasında iştirak edir”,- sədr çıxışında deyib.
Qeyd edək ki, toplantıda 12 ölkənin parlament sədri, 10 ölkənin parlament sədrinin müavini, 6 ölkənin parlament üzvləri və beynəlxalq parlament təşkilatlarının nümayəndələri iştirak edir.
