"Ayrim ommaviy axborot vositalari va ijtimoiy tarmoq hisoblarida tarqalgan "Ozarbayjonda Turkiya bayrog‘ini tushirishga urinish" da'volari dezinformatsiyadir".
Modern.az xabar berishicha, bu haqda Turkiya Prezidenti Administratsiyasining Dezinformatsiyaga qarshi kurash markazining "X" sahifasida xabar berilgan.
Qayd etilishicha, ushbu kadrlar eski sanaga tegishli:
"Tasvirlar olingan vaqtda Turkiya bayrog‘iga nisbatan salbiy harakat qilishga uringan provokatsiyaga Ozarbayjon fuqarolari tomonidan birinchi va eng qattiq reaksiya berilgan. Turkiya bayrog‘ini tushirish kabi hodisa sodir bo‘lmagan", – deyiladi xabarda.
Markazning ta'kidlashicha, eski tasvirlarni yangi hodisa sifatida taqdim etish va kontekstdan tashqarida tarqatish Turkiya va Ozarbayjon o‘rtasidagi do‘stlik va qardoshlik munosabatlarini nishonga oladi.
Jamoatchilik bunday manipulyatsiyaga nisbatan sezgir va ehtiyot bo‘lishga chaqirilgan.
