Ölkədə mövcud olan mübahisəli torpaq məsələlərinin həll edilməsi məqsədi ilə Milli Məclisin Regional məsələlər komitəsində 3 işçi qrup yaradılıb.
Modern.az-ın xəbərinə görə, bu barədə parlamentin Regional məsələlər komitəsinin bu günklü iclasında komitə sədri Arif Rəhimzadə məlumat verib.
Regionlarda mövcud olan mübahisəli torpaq məsələlərini, rayonların sərhədlərinin dəqiqləşdirilməsi məqsədi ilə yaradılmış işçi qruplara bir sıra dövlət orqanlarının rəsmiləri də salınıb.
Belə ki, işçi qruplarda Ekologiya və Təbii Sərvətlər Nazirliyinin, Əmlak Məsələləri üzrə Dövlət Komitəsinin, Milli Məclis Aparatının bir sıra əməkdaşlarının adları var.
Hacıqabul və Xaçmaz rayonlarındakı mübahisəli torpaqların araşdırılması deputat Tahir Rzayevin başçılıq etdiyi qrupa həvalə olunub.
Hacıqabul və Xaçmaz rayonuna seçilmiş işçi qrupun tərkibi:
İşçi qrupun rəhbəri - Deputat Tahir Rzayev
Üzvlər:
Milli Məclis Aparatının əməkdaşı İsmayıl Cəfərov
Əmlak Məsələləri üzrə Dövlət Komitəsinin şöbə müdiri Rasim Dadaşov
Ekologiya və Təbii Sərvətlər Nazirliyinin Ekologiyanın Dövlət Ekspertiza İdarəsinin sektor müdiri Mübariz Əliyev
Binəqədi və Sabunçu rayonuna ayrılmış 2-ci işçi qrupunun heyəti:
İşçi qrupun rəhbəri- deputat Rüstəm Xəlilov
Üzvlər:
Deputat Fəzail İbrahimli
Deputat Cavid Osmanov
Milli Məclis Aparatının sektor müdiri İdrak Qarayev
Ekologiya və Təbii Sərvətlər Nazirliyinin Geodeziya və Kartoqrafiya Dövlət Agentliyinin sədr müavini Azad Məcidov
Əmlak Məsələləri üzrə Dövlət Komitəsinin Yer quruluşu layihə mərkəzinin sektor müdiri Elməddin Məmmədov
İmişli və Ağcabədi rayonlarında mövcud olan mübahisəli torpaqla görə yaradılmış 3-cü işçi qrupun tərkibi:
İşçi qrupun rəhbəri- deputat Malik Həsənov
Üzvlər:
Milli Məclis Aparatının əməkdaşı Aqşin Məmmədzadə
Ekologiya və Təbii Sərvətlər Nazirliyinin aparıcı məsləhətçisi Şəmsəddin Zamanov
Ağa AKİFOĞLU