Arxiv
3 mart 2018, 16:17 | PARLAMENT
“O, lal, kar və kor prezident kimi tarixə düşəcək” - Azərbaycanlı deputatlar erməni dövlət başçısı haqda...  

Martın 2-də Ermənistanda parlament ölkənin yeni prezidentini seçib. Hakim “Respublika” Partiyasının namizədi Armen Sarksiyan Ermənistanın yeni prezidenti seçilib.

Qeyd edək ki, ilk dəfədir ki, müstəqil Ermənistanda doğulmuş şəxs ölkə prezidenti seçilib. Bundan əvvəlki prezidentlər Serj Sarkisyan və Röbert Koçaryan Qarabağda, Levon Ter-Petrosyan isə Suriyada doğulublar.  

Ermənistanda son Konstitusiya dəyişikliyinə əsasən, prezident əsasən mərasim funksiyalarını həyata keçirən, real icraedici funksiyaların olmadığı şəxs sayılacaq.
Real hakimiyyət isə baş nazir və parlament arasında bölüşdürələcək. Buradan da görünür ki, Ermənistanda yeni prezidentin seçilməsi formaldır.

Azərbaycan Milli Məclisin deputatları bu dəfə Modern.az-a Ermənistanda yeni prezidentin seçilməsindən danışıblar.


Milli Məclisin Beynəlxalq münasibətlər və parlamentlərarası əlaqələr komitəsinin üzvü Rasim Musabəyov
Ermənistanın yeni prezidenti Armen Sarksiyanın heç bir səlahiyyət sahibi olmadığını bildirib.


“Son Konstitusiya dəyişikliyindən sonra Ermənistanın rəhbəri baş nazirdir. Ermənistanda yeni prezidentin kimliyi heç nəyi həll etmir. O sadəcə müqəvva kimidir. Ermənistanın baş naziri də Serj Sarkisyan olacaq. Bunu Ermənistanda da xaricdə də birmənalı olaraq deyirlər. Aprelin 9-da Serj Sarkisyanın səlahiyyət müddəti bitir.
Yeni prezident səlahiyyətlərinin icrasına başlayan kimi Ermənistan parlamentinə baş nazir  olacaq şəxsin namizədliyini təqdim edəcək. Parlamentdə isə bu məsələni çoxluq həll edir. Orada çoxluq da Serj Sarkisyanın əlindədir. Ona görə də yeni prezidentin gələcəkdə nələrsə edəcəyindən söhbət gedə bilməz”.

 

Milli Məclisin Hüquq siyasəti və dövlət quruculuğu komitəsinin üzvü Rövşən Rzayev isə deyib ki, Ermənistanda yeni prezidentin seçilməsinə baxmayaraq yenə də işğalçılıq siyasəti Serj Sarkisyan hakimiyyətində qalır və o, bunu davam etdirəcək.


“Ona görə də hesab etmirəm ki, bu barədə onların daxili siyasəti dəyişə. Amma onlar bilməlidirlər ki, nə qədər ki səhv yoldadırlar, o qədər də geri qalacaqlar. Əgər bu istiqamətdə onlar yenilik gətirmək istəsələr, əlbəttə bir çox hallar düzələr. Amma hər kəsə də bəllidir ki, Ermənistanda vəziyyət necədir. Onlar tamamilə başqa düşüncədədirlər.  Bu da Ermənistanı uğurlardan kənar saxlayan amildir. Yaxşı olar ki, Ermənistan rəhbərliyi düşünsün və bütün məsələlərdə yeni yanaşmanı göstərə bilsin”.


Milli Məclisin Beynəlxalq münasibətlər və parlamentlərarası əlaqələr komitəsinin üzvü Elman Nəsirov bildirib ki, Ermənistanda son Konstitusiya dəyişikliyindən sonra ölkənin rəhbərinin çox məhdud səlahiyyətləri var.

 

“Ermənistanda real hakimiyyət baş nazirin əlində olacaq. Ermənistanın yeni prezidenti Armen Sarkisyanı da Serj Sarkisyan hakimiyyətə gətirib. Onu Serj Sarkisyanın əlaltısı kimi də qiymətləndirmək olar. İndidən erməni mətbuatı yazır ki, o  lal, kar və kor president kimi tarixə düşəcək. Serj Sarkisyan isə hakimiyyətdə baş nazir kimi postu tutmağa çalışır. Necə ki, o, 2008-ci ildə öz xalqını gülləbaran edib vəzifəni mənimsəmişdi. Yenə də həmin hadisə təkrarlanacaq. Armen Sarkisyan Serj Sarkisyanın tapşırıqlarını icra edən fiqur olacaq. Ermənistanın siyasi həyatında yeni prezidentin xüsusi yeri olmayacaq. Hətta Ermənistanın prezidenti Ali Baş Komandan da deyil. Ermənistan Konstitusiyasına görə Ali Baş Komandan nə prezident, nə də baş nazirdir. Ali Baş Komandan ölkənin müdafiə naziridir. Yalnız hərbi əməliyyatlar zamanı baş nazir bu funksiyanı yerinə yetirə bilər”. 


Deputat deyib ki, Ermənistanın yeni prezidentindən Dağlıq Qarabağ münaqişəsi ilə bağlı hansı mövqedə olacağını gözləməyin mənası yoxdur. 


“O, fərqli mövqenin daşıyıcısı olsaydı, prezident vəzifəsinə gəlib çıxmazdı. Sadəcə, o, Serj Sarkisyanın tapşırıqlarını, təlimatlarını yerinə yetirəcək və etiraz belə etməyə iradəsi çatmayacaq. Ona görə də hesab edirəm ki, yeni prezidentin fəaliyyətə başlaması ilə Ermənistan - Azərbaycan – Dağlıq Qarabağ münaqişəsinin həllində keyfiyyət dəyişikliyini gözləməyin mənası yoxdur. Onun Serj Sarkisyanın bəyanatlarını təkrarlayan bəyanatlar verəcəyi istisna deyil”.

BU KATEQORİYADAN OLAN DİGƏR XƏBƏRLƏR
+ Arxiv
Ukraynada prezident seçkilərinin ikinci turu keçirilir 21 Aprel 2019, 10:26 Şri-Lankada 6 partlayış: 42 ölü 21 Aprel 2019, 10:08 Doğum və ölüm günü bir yerdə qeyd olunan aktrisa - Məşhur cütlüyün ailə FACİƏSİ - FOTOLAR 21 Aprel 2019, 09:49 Ermənilər cəbhədə təxribatlara davam edir 21 Aprel 2019, 09:44 Rektor gənclərə daha 10 tövsiyə verdi: “Hər işi öz zamanında görün” 21 Aprel 2019, 09:26 Bu gün 11-ci sinif şagirdləri buraxılış imtahanları verir 21 Aprel 2019, 09:21 Tanrı pıçıltısını sözə çevirə bilən xanım 21 Aprel 2019, 09:11 Bakıda mənzildən qadın meyiti tapıldı 21 Aprel 2019, 00:54 Bakıda 17 yaşlı gənc bıçaqlandı 21 Aprel 2019, 00:39 Sükut günündə 250 pozuntu 21 Aprel 2019, 00:23 Elinanın ölümündə  suçlanan icra başçısının müavini: "Videonu mən çəkmişəm" - AÇIQLAMA  21 Aprel 2019, 00:08 Sumqayıtdakı davada 2 nəfər xəsarət alıb 20 Aprel 2019, 23:38 “Akif Çovdarova 3 milyon manat verə biləcəyimi söylədim” - Tağı Əhmədov 20 Aprel 2019, 23:37 Bu ölkədə 1 milyon işçi axtarılır 20 Aprel 2019, 23:14  “Stonehenge” tarixi abidəsini Anadoludan gələnlər tikiblər 20 Aprel 2019, 22:57 Moskva xatirələri - VI HİSSƏ 20 Aprel 2019, 22:55 Əkrəm İmamoğlu  İstanbul əhalisini Maltəpəyə çağırdı 20 Aprel 2019, 22:39 Məni həmişə ən çox inandığım adamlar aldadıb  - YAZIÇI 20 Aprel 2019, 22:32 Dünyanın ən yaxşı universitetlərinin adları açıqlandı: SİYAHI 20 Aprel 2019, 22:18 Prezident Azərbaycanla sərhəddə gəldi 20 Aprel 2019, 22:06 Bill Qeytsin varidatı 100 milyard dolları ötdü 20 Aprel 2019, 21:59 Qar Azərbaycanın bu yollarının bağlanmasına səbəb oldu 20 Aprel 2019, 21:43 Bolqarıstanda təyyarə qəzası 20 Aprel 2019, 21:27 Fransada  Azərbaycan məktəbi açıldı - FOTOLAR 20 Aprel 2019, 21:18 Niyə Prezident bütün xırda məsələlərə müdaxilə etməlidi… 20 Aprel 2019, 21:07 Lotu Qulinin adamı sahibkarı güllələdi 20 Aprel 2019, 20:58 95 yaşlı Şirməmməd Hüseynovdan 90 yaşlı Çingiz Hüseynova maraqlı TƏBRİK 20 Aprel 2019, 20:51 Qəbələdə ağır qəza: 1 ölü, 3 yaralı 20 Aprel 2019, 20:44 Parisdə 126 etirazçı saxlanıldı 20 Aprel 2019, 20:31 Biləcərinin bu küçəsində hərəkət məhdudlaşdırılır 20 Aprel 2019, 20:17