Türkiyə Silahlı Qüvvələri Suriyanın Afrin rayonunda davam edən “Zeytun budağı” əməliyyatı çərçivəsində daha 7 yaşayış məntəqəsi azad edilib.
Modern.az-ın məlumatına görə, bugünədək Afrində azad edilən yaşayış məntəqələrinin sayı 261-ə çatıb.
Qeyd edək ki, bir neçə gün əvvəl Türkiyə ordusu Afrin rayon mərkəzini tam mühasirəyə alıb.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD, YPG və İŞİD terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.
