Kataloniyada müstəqillik tərəfdarlarının keçirdiyi aksiyada 52 nəfər yaralanıb.
Modern.az xarici mediaya istinadən xəbər verir ki, Kataloniya Muxtar İdarəsinin sədri Karles Puiqdemontun Almaniyada nəzarətə alınması müstəqillik tərəfdarlarının ciddi narazılığına səbəb olub. Müstəqillik tərəfdarı olan partiya və qeyri-hökümət təşkilatlarının çağırışı ilə on minlərlə insan Barselona, Jirona və Tarraqona şəhərlərində küçələrə çıxıb.
Məlumatda qeyd edilir ki, aksiyada 56000 nəfər iştirak edib. Polisin müdaxilə etməyə cəhd göstərməsi qarşıdurmalara səbəb olub. Nəticədə, dördü polis olmaqla, 52 nəfər yaralanıb. Hadisənin təşkilatçılarından 3 nəfərin həbs olunduğu bildirilir.
