“2018-ci ilin dövlət büdcəsində cəmi 2 milyard manat artım var. Həmin vəsait sosial layihələrə, pensiya, əmək haqqları, qazın qiyməti ilə əlaqədar ödəmələrə, Dövlət Neft Şirkətində qazmalarla əlaqədar işlərə və digər məsələlərə yönəldiləcək”.
Bunu Modern.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov “Azərbaycan Respublikasının 2018-ci il dövlət büdcəsi haqqında” qanun layihəsini şərh edərkən deyib.
Deputat bildirib ki, büdcədə 2 milyard manatlıq artım elə də böyük rəqəm deyil.
“Mənim təklifim var ki, büdcədən daha çox tikintiyə vəsait ayrılsın. Çünki Azərbaycanda qeyri-neft sektorundan gəlirlər kəskin azalır. Bunu artırmaq üçün mütləq yatırımlar qoymaq lazımdır. Keçən il investisiya 25 faiz azalıb. Biz çalışmalıyıq ki, bu il ümumi daxili məhsulda heç olmasa 2 faiz artıma nail olaq”.