Nikaraquada etiraz aksiyaları nəticəsində gün ərzində ölənlərin sayı 10-a çatıb.
Modern.az yerli mətbuata istinadən xəbər verir ki, bu barədə bazar günü Nikaragua İnsan Hüquqları Assosiasiyasının icraçı katibi Alvaro Leyva Sançes məlumat yayıb.
“Prensa” portalının məlumatına görə ölənlərin 4-ü iğtişaşlarla mübarizə qrupunun əməkdaşlarıdır.
Etirazçılarla yerli hakimiyyət qüvvələri arasında toqquşmalar 4 yaşayış məntəqəsi və iki departamentdə qeydə alınıb.
Ölənlərdən birinin 10-11 yaşlı qız uşağı olduğu bildirilir.
Qeyd edək ki, aprelin 18-dən Nikaraquada vətəndaşlar hakimiyyətin yeni islahatlarına qarşı etiraz aksiyaları keçirir. İslahatlar işverən və işçilərdən sosial sığorta fonlarına keçiriləcək məbləğin artırılmasını nəzərdə tutur.
Əvəz ZEYNALOV