ABŞ-ın Corciya ştatının şimalında yüngülmühərrikli təyyarə qəzaya uğrayıb.
Modern.az-ın "TASS"a istinadən verdiyi məlumata görə, Florida ştatından İndiana ştatına uçan təyyarənin göyərtəsində pilot və bir ailənin 4 üzvü olub.
Məlumata əsasən, qəza nəticəsində sağ qalan olmayıb.
ABŞ-ın Mülki Aviasiya Federal İdarəsindən bildiriblər ki, təyyarə fırtınaya düşüb, amma qəzanın məhz bu səbəbdən baş verdiyini demək mümkün deyil.
Digər təfərrüatlar barədə məlumat verilmir.
