Cənubi Afrika Respublikasının paytaxtı Keyptaun şəhərində yerləşən parlamentin binasında yanğın başlayıb.
Modern.az xarici KİV-ə istinadən xəbər verir ki, yanğını söndürmək üçün əraziyə əlavə qüvvələr cəlb edilib.
Şəhərin yanğınsöndürmə və xilasetmə xidmətinin rəhbəri Cermeyn Karels açıqlamasında bildirib ki, yanğın nəticəsində damdakı bitum da əriyib:
“Bu hal hadisənin ciddiliyindən xəbər verir. Həmçinin binanın bəzi divarlarının çatladığı, uçma ehtimalının olduğu barədə məlumatlar var”.