ABŞ Prezidenti Donald Trumpin müraciətindən sonra FIFA ABŞ millisinin hücumçusu Folarin Baloqunla bağlı intizam qərarında dəyişiklik edib.
Modern.az xəbər verir ki, Balogun Bosniya və Herseqovina ilə oyunda aldığı birbaşa qırmızı vərəqəyə görə növbəti qarşılaşmanı buraxmalı idi. Lakin yayılan məlumata əsasən, Tramp şəxsən FİFA prezidentinə müraciət edərək qərarın yenidən nəzərdən keçirilməsini istəyib.
Bildirilir ki, qırmızı vərəqə ləğv edilməsə də, diskvalifikasiyanın icrası bir il sınaq müddəti ilə təxirə salınıb. Bu səbəbdən futbolçunun Belçikaya qarşı 1/8 final oyununda iştirakına icazə verilib.
Tramp qərarı "böyük ədalətsizliyin aradan qaldırılması" kimi qiymətləndirib.
