Zaqatala Dövlət Təbiət Qoruğunda yanğın baş verib. Ekologiya və Təbii Sərvətlər Nazirliyinin mətbuat xidmətindən Modern.az saytına verilən məlumata görə, yanğın qoruğun Balakən rayonu ərazisinin Qaraçay sahəsinin 5 saylı dolayında qeydə alınıb.
Əraziyə dərhal nazirliyin yerli qurumları və Fövqəladə Hallar Nazirliyinin Yanğından Mühafizə Xidmətinin əməkdaşları cəlb olunub. Alovun qarşısı tam alınıb.
Yanğın nəticəsində qoruğun 6 sot ərazisində olan xəzəl və quru ot örtüyü yanıb.
Modern.az