Azərbaycan Cümhuriyyətinin banisi Məhəmməd Əmin Rəsulzadənin həyat yoldaşı Leyla xanımın (Vanda xanım) Türkiyədə tapılan məzarı bərpa edilib.
Jurnalist Könül Şamilqızının əməyi sayəsində bərpa edilən məzarla bağlı Məhəmməd Əmin Rəsulzadənin nəvəsi Rais Rəsulzadə Modern.az-a açıqlama verib.
R.Rəsulzadə məzarla bağlı dəqiqləşdirilmə aparılmasını gözlədiyini bildirib:
“Mən bundan əvvəlki açıqlamamda da dəqiqləşməni gözlədiyimi demişdim, məzarın Leyla xnaıma məxsus olmasına inanmıram deməmişdim. Artıq məzarın yeri sənədlərlə dəqiqləşdirildiyinə və bərpa edildiyinə görə, heç bir şübhəm qalmadı”.
O, yaxın vaxtlarda məzarı ziyarət edəcəyini vurğulayıb:
“Bu işdə əməyi olan Könül xanımla əlaqə yaratmamışam. Amma artıq hər şey bəllidir. Oradakı Kültür Dərnəyilə görüşəndə Könül xanımla da görüşəcəyəm. Sağ olsunlar”.
