Rusiyanın Volqoqrad vilayətinin Voljski rayonunda saxta pul əsginaslarının satışında şübhəli bilinən 38 yaşlı Azərbaycan vətəndaşı saxlanılıb. Modern.az xarici mediaya istinadən xəbər verir ki, saxlanılan şəxs əvvəllər də analoji fəaliyyət səbəbindən həbs olunub.
Saxlanılan şəxs əməlini etiraf edib.
Məlum olub ki, o, Moskva şəhərində tanımadığı şəxsdən beş min rubl nominalları üzrə saxta pullar götürüb. Daha sonra azərbaycanlı bu pulları benzindoldurma məntəqələri və mağazalarda xərcləyib.
Faktla bağlı cinayət işi başlanılıb.
Azərbaycanlını səkkiz ilədək həbs və külli miqdarda pul cəzası gözləyir.
