Arxiv
23 May 2019, 17:56 | AKTUAL
Mətbuat Şurası direktora diqqətli olmağı tövsiyə etdi  

Bir neçə gün öncə Bakı şəhərindəki 175 saylı orta məktəbin direktoru Tural Mirzəliyev Mətbuat Şurasının sədri Əflatun Amaşova müraciət edərək, qurumun jurnalist Həbibə Abdullanın təhqir olunmasına etiraz bəyanatına cavab vermişdi.

 

Mətbuat Şurasının əməkdaşı Əvəz Rüstəmov da direktorun etirazına cavab verib.  

Modern.az Əvəz Rüstəmovun cavabını təqdim edir:

 

"Mətbuat Şurasına 175 saylı orta məktəbin direktoru Tural Mirzəliyevin bu quruma ünvanladığı və Modern.az saytı vasitəsilə ictimailəşdirdiyi məktubu daxil olub. O, Şuranın “Afn.az” saytının əməkdaşı Həbibə Abdulla ilə bağlı məlumatına etiraz edib. Etiraz edə bilər, bu onun hüququdur. Ancaq direktora diqqətli olmağı tövsiyə edirik.

 

Əvvəla Şuranın məlum məlumatında konkret olaraq onun, yaxud da adı çəkilən digər şəxsin jurnalist Həbibə Abdullanı təhqir etməyi, ona hədə-qorxu gəlməyi iddia olunmayıb. Əsas mahiyyət jurnalistin MŞ-yə açıq məktubuna əsaslanıb və bildirilib ki, Şura jurnalistlərin səlahiyyətlərindən irəli gələn fəaliyyəti yerinə yetirmələri zamanı hər hansı xoşagəlməz rəftarla, qanunsuzluqla üzləşmələri faktlarını qətiyyətlə pisləyir. Eyni zamanda bildirilib ki, bu sayaq informasiyaların ictimai rəydə özünə yer tapması söz və ifadə azadlığı baxımından yolverilməzdir. Buna görə də əlaqədar qurumlar jurnalist Həbibə Abdulla ilə bağlı məsələni araşdırmağa, zəruri tədbir görməyə çağırılıb.

 

T.Mirzəliyev məktubunda indiyədək kütləvi informasiya vasitələrində, o cümlədən H.Abdullanın çalışdığı «Afn.az» saytında özü barədə təhqiramiz, yalan və böhtan dolu materialların yayımlandığını vurğulayıb. Şura buna münasibət ortaya qoymamaqda ittiham olunub. Bildiririk ki, əgər direktor üzləşdiyi durumla əlaqədar Şuraya məktub yazsaydı, qurum özünün Nizamnaməsi ilə müəyyənləşmiş səlahiyyətlərindən irəli gələn tədbirləri həyata keçirə bilərdi. T.Mirzəliyevin indiki məktubunda guya MŞ-yə yuxarıda sadalananlarla bağlı nə vaxtsa rəsmi müraciət ünvanladığını bildirməsi yalandır. Nə 2019-cu, nə də 2018-ci ildə belə bir hal qeydə alınıb. O, göstərdiyi kimi, məhkəməyə üz tutub.

 

Digər tərəfdən, bu adam məktəb direktoru ampluasından çıxmış biridir. Daha çox konfliktlərlə yadda qalır. Onun Mətbuat Şurasına müraciəti, eləcə də bu müraciəti ictimailəşdirməsi əslində öyrəşdiyi konfliktli adam statusunun təsdiqindən başqa bir şey deyil. Görünür, üzdə olmaq üçün darıxır. Yaxşı olardı ki, əlaqədar dövlət qurumu onu məktəb direktoru yox, ictimaiyyət içərisində olan bir vəzifəyə təyin edərdi.

 

Ümumiyyətlə, T.Mirzəliyevin məktubundan anlaşılan budur ki, adam MŞ-nin iş xüsusiyyətləri barədə tam məlumatsızdır. Onun H.Abdulla ilə bağlı məsələdə Şuranın guya həmkar təəssübkeşliyi baxımdan davrandığını bildirməsi də bunun sübutudur. Mətbuat Şurasının cavab məktubunda MŞ-nin missiyası direktora ətraflı izah edilib. İnanıram ki, bir az korrekt olsa, cavabı qənaətbəxş sayacaq.

 

Mətbuat Şurası KİV əməkdaşları peşə fəaliyyətlərini yerinə yetirdikdə, yaxud peşə fəaliyyətləri zəminində hər hansı xoşagəlməz, qanunazidd rəftarla üzləşdikləri, buna dair şübhələrin yarandığı, həmçinin ictimai rəyi yanlış yönləndirmə ehtimalının olduğu hallarda müvafiq hüquqi instansiyalara müraciət ünvanlayır ki, əsl həqiqətlər üzə çıxsın. Şura H.Abdulla ilə məsələyə dair hüquq-mühafizə orqanlarına çağırış edib və inanır ki, qanuna müvafiq ölçü götürüləcəkdir.

 

Əlbəttə, biz istəmirik ki, jurnalist hansısa məsələdə günahkar olsun. Ancaq bu halda fərqi yoxdur kimdir günahkar. Tural Mirzəliyev, yaxud H.Abdulla. Yenə də deyirəm, Mətbuat Şurası üçün əsas olan jurnalistin təhqir olunduğuna dair məlumatın ictimaiyyətdə yayılmasıdır. Əgər bu məlumat yayılırsa, biz bunu doğuran səbəbin araşdırılmasında israrlıyıq. İstərdik ki, cənab Mirzəliyev məktub yazmazdan öncə bunu biləydi".

BU KATEQORİYADAN OLAN DİGƏR XƏBƏRLƏR
+ Arxiv
Eldəniz Əzizli Azərbaycana dünya çempionatında ilk medalı qazandırdı 15 Sentyabr 2019, 17:59 Yanğını söndürməyə gedən FHN-nin maşını çayda batdı 15 Sentyabr 2019, 17:55 Mənzil oğruları nədən ehtiyatlanır? - Polis açıqlayır 15 Sentyabr 2019, 17:50 Hindistanda səyahət gəmisi batdı: 11 ölü var 15 Sentyabr 2019, 17:40 Şagirdi məktəbdən çıxardılar - Artıq çəkisinə görə   15 Sentyabr 2019, 17:25 İcra başçısı şəhərdə yanmış ağacları rənglətdirdi - Açılışa görə  15 Sentyabr 2019, 17:06 Elmar Məmmədyarov Müqəddəs Taxt-Taca yola düşdü 15 Sentyabr 2019, 16:50 Bakının azad edilməsinin 101-ci ildönümü münasibəti ilə yürüş keçirilib - VİDEO 15 Sentyabr 2019, 16:35 Sabahdan regionlarda lisey sinifləri fəaliyyətə başlayacaq 15 Sentyabr 2019, 16:19 UNEC rektoru Ədalət Muradov: Ali təhsil təsnifatlaşdırılmalıdır 15 Sentyabr 2019, 16:00 Üç güləşçimiz Dünya Çempionatıyla erkən vidalaşdı 15 Sentyabr 2019, 15:47 İranlı qadınlara sərbəstlik verildi - Bu məslədə 15 Sentyabr 2019, 15:30 Bi il 915 qadın, 306 kişi məişət zorakılığından zərər çəkib 15 Sentyabr 2019, 15:15 Hakimliyə namizədlərlə test imtahanı keçirilib 15 Sentyabr 2019, 14:58 Muqabe mavzoleydə dəfn ediləcək   15 Sentyabr 2019, 14:40 Hicab geyinən Xatirə tənqidə tuş gəldi - FOTO 15 Sentyabr 2019, 14:28 Doğulacaq körpənin cinsini qabaqcadan - Sifariş etmək olar?   15 Sentyabr 2019, 14:13 Gənclər təşkilatlarının nümayəndələri “Türk şəhidliyi” abidəsini ziyarət ediblər - FOTO 15 Sentyabr 2019, 14:00 Süni mayalanma ilə doğulanlar: Qiyməti 15 Sentyabr 2019, 13:46 Tələbə adı qazanan Bakı məktəblərinin sayı AÇIQLANDI 15 Sentyabr 2019, 13:35 Ayı İsmayıllı sakininə həyətində hücum etdi 15 Sentyabr 2019, 13:26 Naxçıvan Qarnizonu qoşunlarında növbəti komanda-qərargah təlimi keçirilib - VİDEO   15 Sentyabr 2019, 13:17 Elçibəyin oğlu: “Hələ ki, toy etmək barədə düşünmürəm”   15 Sentyabr 2019, 13:05 Son 4 il 8 ayda texniki itkilər 2 dəfəyə qədər azalıb   15 Sentyabr 2019, 12:54 İlham Əliyev Bilik Günü münasibətilə "Facebook"da paylaşım etdi 15 Sentyabr 2019, 12:45 Özbəkistanın Türk Şurasına gəlişi BƏYANATA səbəb oldu 15 Sentyabr 2019, 12:32 Sabahın hava PROQNOZU - 30 dərəcə İSTİ 15 Sentyabr 2019, 12:29 Xurafatdan vəhdətə aparan missiya - Builki Aşura hansı məqamlarla yadda qaldı? 15 Sentyabr 2019, 12:19 Mehriban Əliyevadan Bilik günü TƏBRİKİ 15 Sentyabr 2019, 12:10 Bir şəklin tarixçəsi - Bakıya yeridilən ingilis əsgərlərin AQİBƏTİ 15 Sentyabr 2019, 11:56 Bakıdakı hansı məktəblər sökülüb-tikildi? - SİYAHI 15 Sentyabr 2019, 11:47 Bakıda 414 844 şagird oxuyur, 27 930 müəllim çalışır - RƏSMİ 15 Sentyabr 2019, 11:40 Azərbaycanda sabiq deputat vəfat edib 15 Sentyabr 2019, 11:32 İlyas İsmayılovun oğlunun qətlindən 1 il ötür - Cinayətin istintaqı nə yerdədir? 15 Sentyabr 2019, 11:13 Təmizliyin İsveçrə modeli 15 Sentyabr 2019, 10:11