Əfqanıstanın cənubundakı Qəndahar vilayətinin iki rayonunda Amerika aviasiyasının bir sıra zərbələri nəticəsində "Taliban" hərəkatının ən azı 10 silahlısı öldürülüb, 6 nəfər isə yaralanıb.
Modern.az xarici mediaya istinadən xəbər verir ki, öldürülənlərdən 5-i pakistanlı olub.
Qeyd edilir ki, əməliyyatlar zamanı 5 ədəd əldə hazırlanmış partlayıcı qurğu, silahlıların beş sığınacaq və nəqliyyat vasitələri də məhv edilib.
Əfqanıstan təhlükəsizlik orqanlarının məlumatına görə, Qilmənd vilayətində aparılan digər əməliyyat zamanı “Taliban”ın ən az 15 silahlısı öldürülüb.
