ARB-də Rövşanə Ağasəfqızının müəllifi olduğu “Səhər səhər” verilişində qalmaqal baş verib.
Modern.az xəbər verir ki, verilişinin qonağı olan tanınmış jurnalist Seymur Verdizadə şou əhlini bayağı mahnılar ifa etməkdə suçlayıb. Jurnalist deyib ki, onlar zövqsüz mahnılar seçməklə xalqın mədəni zövqünü korlayırlar.
Seymur Verdizadə verilişin qonağı olan Cabir adlı gənc müğənnini sərt tənqid edib: “Sənin səhnədə atılıb- düşməyin heç kimə lazım deyil”.
Müğənni isə öz növbəsində opponentini cavabsız buraxmayıb: “Yaxşı ki, sizin kimi düşünən adamlar çox deyil”.
S.Verdizadənin reaksiyası belə olub: “Buna təəssüflənmək lazımdır. Mənim kimi adamlar az olduğu üçün sənin kimi adamların əl-qolu açılıb”.
