“Borçalı” İctimai Cəmiyyətinin təşkilatçılığı ilə Gürcüstanın Dmanisi rayonuna gedən bir qrup jurnalist vətənə qayıdarkən Gürcüstan gömrüyündə qalıb. Modern.az-ın əməkdaşının verdiyi məlumata görə, onlardan əvvəl başqa bir avtobusu buraxmadıqları üçün onlar sərhəddə qalıblar.
Qeyd edək ki, “Borçalı” İctimai Cəmiyyətinin təşkilatçılığı ilə Gürcüstanın Dmanisi rayonun Armudlu yaylağında keçirilən “Borçalı Türklərinin Elat Mədəniyyəti Günü” tədbirində iştirak etmək üçün bir qrup jurnalist-Seymur Verdizadə (“Reytinq”), Asif Mərzili (“Təzadlar”), Rufik İsmayılov (“Kaspi”), İmdad Əlizadə (“Mediaforum”), İlham Məmmədli (“Bütöv Azərbaycan”), Dayandur Sevgin (“Türküstan”), Aqil Aslan (“Ekspress”), Sevinc İltifatqızı (Modern.az) gedib.
