Azərbaycan London Olimpiadasında 53 idmançı ilə gedib. 5 gündən sonra Olimpiadadakı çıxışını uğursuz başa vuran idmançılarımızın sayı 18-ə çatıb.
İndiyədək 1 idmançımız medal qazanıb Bu, ağırlıqqaldıran Valentin Xristovdur (56 kq), bürünc medal qazanıb.
Cüdoçular Tərlan Kərimov, Rüstəm Orucov, Elxan Məmmədov , Ramilə Yusubova, İlqar Muşkiyev, Elnur Məmmədli və Kifayət Qasımova uduzublar.
Gimnast Şakir Şıxəliyev yalnız 40-cı yeri tuta bilib.
Üzgüçü Oksana Hətəmxanova (brass, 100 metr) yarımfinala vəsiqə qazana bilməyib.
Boksçular Elvin Məmişzadə , Heybətulla Hacıəliyev və Vətən Hüseynli elə ilk döyüşündə uduzublar.
Ağırlıqqaldıran Boyanka Kostova,, Sərdar Həsənov, Əfqan Bayramov da medal qazana bilməyiblər.
Güllə atıcısı İradə Aşumova 10 metr məsafəyə atışlarda 39-cu, 25 metr məsafəyə yarışlarda isə 23-cü yeri tutub.
Velosiperçi Yelena Çalıx da uğursuz çıxış edib.
Qılıncoynadan Səbinə Mikina 1/8 finalda məğlub olub.
Hazırda mübarizəni avarçəkənlərimiz Aleksandr Aleksandrov (finala çıxıb), Nataliya Mustafayeva (yarımfinala çıxıb) davam etdirilər.
Boksçular Soltan Migitinov (75 kq) 1/8 finala, Teymur Məmmədov (91 kq), Məhəmmədrəsul Məcidov (+91 kq) və Məhəmməd Əbdülhəmidov (56 kq) 1/4 finala çıxıblar.
Modern.az